Отворање на дисперзирани одделенија во центрите за социјална работа

Министерството за труд и социјална политика презеде конкретни мерки за овозможување на поголема достапност на социјалната работа и социјалната заштита до сите граѓани, особено до оние кои живеат во руралните средини и во населени места кои се надвор од седиштето на Центарот за социјална работа. Во оваа насока, досега се отворени вкупно 35 подрачни одделенија за непосредна социјална работа во општините кои се надвор од седиштето на центарот за социјална заштита.

Во првата фаза до 2012 година отворени се 19 подрачни единици за непосредна социјална работа.

Акциониот план за отворање на нови дисперзирани одделенија за непосредна социјална работа во центрите за социјална работа, во  текот на 2013 година целосно е реализиран со отворање на уште 10 подрачни единици.

Со спроведување на дополнетиот Акциониот план се отворени уште 4 подрачни единици за непосредна социјална работа.

Во  2014 година е отворено и одделението за непосредна социјална заштита за подрачјето на општина Росоман во рамки на ЈУ Меѓуопштински центар за социјална работа Кавадарци.

Во текот на 2014 превземени се активности за проширување на  работата на постојното одделение за општина Чешиново и Облешево, така што стручните лица ќе работат и во населеното место Облешево. 

Табела 1. Центри за социјална работа и подрачни одделенија за непосредна социјална работа