Во пресрет на Регионалната министерска конференција „Водење на промените: Патишта насочени кон луѓето за демографска отпорност“ – организирана од Министерството за социјална политика, демографија и млади на Северна Македонија и УНФПА, под покровителство на премиерот Христијан Мицкоски се одржа состанок на министерскиот одбор формиран за оваа цел, во состав на претставници на Влада, министерства, претставници на ООН и УНФПА околу организацијата на конференцијата која ќе се одржи во Скопје на 7 и 8 Мај 2026 година.
Конференцијата ќе ги обедини министрите, други високи владини претставници и меѓународни експерти од повеќе од 30 земји, со цел да се дискутираат стратегии за справување со длабоките демографски трансформации што го преобликуваат поширокиот регион на Источна Европа и Централна Азија.
Конференцијата претставува клучен форум за креаторите на политики да преминат од демографска загриженост кон демографска отпорност – преку развој на сеопфатни политики засновани на права и докази, кои ги зајакнуваат поединците и ги поддржуваат општествата во овие транзиции.
Креаторите на политики ќе дискутираат за потребната политичка рамка за градење силни, инклузивни и отпорни општества и економии, кои ќе можат да ги разберат и предвидат промените во населението, да се прилагодат на новите реалности и да го искористат својот најголем ресурс – луѓето.
