Zëvendësministri i Politikës Sociale, Demografisë dhe të Rinjve, Gjoko Vellkovski, së bashku me kryetarin e Qeverisë, Prof. Dr. Hristijan Mickoski dhe kryetarin e komunës së Karbincit, Viktor Paunov, hapën objektin e zgjeruar të kopshtit “Kokiçinja” në fshatin Tarinci.
Ky projekt konfirmon edhe një herë se kujdesi për fëmijët është prioritet kryesor i Qeverisë, pavarësisht nëse ata jetojnë në zona urbane apo rurale. Objekti i ri i zgjeruar ofron kushte të përmirësuara për kujdesin dhe edukimin e më të vegjëlve, si dhe mbështetje të konsiderueshme për familjet dhe prindërit e rinj në komunitetet rurale.
Ministria e Politikës Sociale, Demografisë dhe të Rinjve vazhdon të zbatojë politika aktive që synojnë sigurimin e qasjes së barabartë në kujdes cilësor dhe të përballueshëm për të gjithë fëmijët.
Në periudhën e ardhshme, është planifikuar adaptimi dhe rindërtimi i objekteve në komuna dhe vendbanime të tjera rurale, duke përfshirë Bosilovën (fshatrat Radovicë dhe Ilovicë), Rosomanin, Çeshinovën, si dhe vende të tjera.
Qëllimi i këtyre aktiviteteve është që çdo fëmijë të ketë mundësi të barabarta për kujdes të sigurt, cilësor dhe të përballueshëm, si pjesë e angazhimit për zhvillim të qëndrueshëm demografik dhe një të ardhme më të mirë për të gjithë qytetarët.
