Më 18 qershor 2026 (e enjte), me fillim në orën 11:00, në “Hotel Holiday Inn” - Shkup, do të mbahet Konferenca me temën: “Fillim i hershëm, përfitime afatgjata – kopsht për çdo fëmijë”, në organizim të Ministrisë së Politikës Sociale, Demografisë dhe të Rinjve dhe UNICEF-it.
Qëllimi i ngjarjes është prezantimi i gjetjeve dhe rekomandimeve të analizës së modeleve inovative të financimit të edukimit parashkollor, si dhe hapja e dialogu për masat e zgjerimit të qasjes përmes mekanizmave të diversifikuar të financimit dhe të ofrimit të shërbimeve, duke marrë parasysh edhe fëmijët më të cenueshëm.
Fjalime hyrëse në Konferencë do të mbajnë:
- Fatmir Limani, Ministër i Politikës Sociale, Demografisë dhe të Rinjve;
- Leslie Miller, Përfaqësuese e UNICEF-it në Maqedoninë e Veriut.
Fjalim përmbyllës do të mbajë:
- Gjoko Vellkovski, Zëvendësministër i Politikës Sociale, Demografisë dhe të Rinjve.