09.06.2022
Takimi Trençevska-Kohler: ONP vazhdon të mbështesë Maqedoninë e Veriut në përmirësimin e legjislacionit të punës
Ministrja e Punës dhe Politikës Sociale, Jovanka Trençevska, në kuadër të Konferencës Ndërkombëtare të Punës, e cila po mbahet në Gjenevë të Zvicrës, realizoi një takim me drejtorin rajonal të ONP-së për Evropë dhe Azi në Gjenevë, z. Hajnc Kohler. Temë e takimit ishin aktivitetet dhe projektet e realizuara në Republikën e Maqedonisë së Veriut, në fushën e asistencës teknike dhe mbështetjes nga Organizata Ndërkombëtare e Punës.
Ministrja informoi për rrjedhën e aktiviteteve për përgatitjen e Ligjit të ri për Marrëdhëniet e Punës, si dhe se propozim teksti është përgatitur dhe harmonizuar me propozimet dhe rekomandimet e ekspertëve të pranuara nga Organizata Ndërkombëtare e Punës dhe janë bërë përpjekje që garantojnë përputhjen me legjislacionin evropian dhe konventat e Organizatës Ndërkombëtare të Punës. Ai theksoi mbështetjen e ONP-së për ndryshimin e Ligjit ekzistues për zgjidhjen paqësore të mosmarrëveshjeve të punës, me qëllim të përmirësimit të zbatimit të zgjidhjes paqësore të kontesteve individuale të punës, duke pasur parasysh faktin se ky sistem ka rezultuar i suksesshëm në kontestet kolektive të punës.
Ministrja informoi edhe për masën “Të bëjmë punën e deklaruar atraktive për punëdhënësit dhe punëtorët” e cila zbatohet në Ohër dhe Strugë dhe synon të arrihet zvogëlimi i punësimit joformal përmes thjeshtësimit të procedurave të punësimit dhe uljes së kontributit të sigurimeve shoqërore të punëtorëve afatshkurtër dhe punë të padeklaruar. Vlerësimi i kësaj mase do të kryhet në tetor 2022.
“Vlen të përmendet Garancia për Rininë, e cila është pjesë e nismave kryesore evropiane dhe synon t'u ofrojë të rinjve (15-29 vjeç) një ofertë pune, arsimim dhe trajnim të vazhdueshëm ose një praktikë, brenda një periudhe prej katër muajsh nga dita e raportimit në Agjencinë e Punësimit të Republikës së Maqedonisë së Veriut”, tha Trençevska.
Në vitin 2021, nga numri i përgjithshëm i personave që hynë në procesin e garancisë për të rinjtë, 8064 të rinj deri 29 vjeç ose 41% u punësuan ose fituan aftësi që përmirësonin punësimin e tyre dhe u bënë konkurrues në tregun e punës.
Kohler tha se duke qenë se është një nga krijuesit e programit të garancisë për të rinjtë, është veçanërisht i kënaqur me faktin se rezultatet e zbatimit të garancisë për të rinjtë në vendin tonë i tejkalojnë pritshmëritë. Ai shtoi se Organizata Ndërkombëtare e Punës do të vazhdojë të mbështesë RMV-në në rrugën e promovimit të legjislacionit të punës, sigurisë dhe shëndetit në punë dhe rritjes së punësueshmërisë.