Shahpaska: Fëmijët në Llozovë do të kenë të njëjtat kushte si fëmijët në qytetet e mëdha, kopshti i ri do të kujdeset për 32 fëmijë, për të gjithë ne jemi të barabartë

Ministrja e Punës dhe Politikës Sociale, Jagoda Shahpaska, sot mori pjesë në hapjen e kopshtit të ri “Sërcko” në Komunën e Llozovës. Ajo shprehu kënaqësi të madhe që pikërisht në Ditën Botërore të të Drejtave të Njeriut, 10 Dhjetor, hapja e kopshtit të ri është në shenjë respekti dhe vlerësimi për barazinë e të gjithë qytetarëve në vendin tonë, përfshirë fëmijët.

“Sot, në Ditën Botërore të të Drejtave të Njeriut, konfirmojmë se për ne të gjithë qytetarët janë të barabartë, se për ne të gjithë qytetarët duhet të gëzojnë të njëjtat të drejta, përfshirë edhe fëmijët. Fëmijët në Llozovë do të kenë të njëjtat kushte si fëmijët në qytetet e mëdha. Ne jemi duke investuar në edukimin parashkollor, sepse ndërton themelin e një organizmi për fëmijë të vegjël që duhet të rriten më tej në ndërtues të atdheut tonë gjatë edukimit të tyre”, deklaroi ministrja Shahpaska.

Kopshti “Sërcko” ka kapacitet për t’u kujdesur për 32 fëmijë, të ndarë në dy grupe. Për ndërtimin dhe pajisjen e tij, Ministria e Punës dhe Politikës Sociale investoi mjete në vlerë prej rreth 13 milionë denarë. Kopshti është objekt i ndërtuar sipas standardeve botërore, me fasadë efikase energjetike dhe objekt që do të sigurojë një qëndrim të këndshëm për fëmijët dhe të rriturit.

Ministrja Shahpaska theksoi se Ministria e Punës dhe Politikës Sociale vazhdon me investimet në zhvillimin e fëmijërisë së hershme, duke hapur kopshte të reja dhe duke rritur përfshirjen e fëmijëve në to, në mënyrë që të përmbushë programin e Qeverisë për 7,500 fëmijë të ri në kopshte deri në fund të mandatit.

Ajo u uroi punonjësve në kopsht suksese në punën e tyre dhe u porositi të punojnë me përkushtim dhe përgjegjësi, sepse nga angazhimi dhe investimi i tyre në edukimin e vërtetë për më të vegjlit ata po përmbushin misionin e tyre.

Kryetari i Komunës së Llozovës, Aco Velkovski, theksoi se hapja e kopshtit është zgjidhje për një problem dhjetëvjeçar të banorëve të kësaj komune, për edukimin parashkollor të fëmijëve të tyre, në vendbanimin e tyre. Ai e theksoi rëndësinë dhe në drejtim të zhvillimit të komunës, si një mjedis rural, dhe mundësitë që hapen për zhvillimin e fëmijërisë së hershme të fëmijëve, që ka rëndësi të madhe për zhvillimin e mëtejshëm si individë.