08.07.2021

Ministrja Shahpaska në Takimin ministror të BE-së në Bërdo afër Kranjit: Maqedonia e Veriut është vendi i parë në rajon që e zhvillon Garancinë e të Rinjve, mbështetja nga BE dhe bashkëpunimi reciprok janë kryesore për politikat e suksesshme rinore

Ministrja e Punës dhe Politikës Sociale, Jagoda Shahpaska, sot mori pjesë në Takimin e dytë ministror për punësim dhe çështje sociale, në të cilën morën pjesë edhe ministrat e vendeve anëtare të Bashkimit Evropian dhe vendet e Ballkanit Perëndimor, i cili u mbajt në Bërdo afër Kranjit, Slloveni. Takimi ministror është në kuadër të presidencës sllovene me Këshillin e Bashkimit Evropian, i cili filloi këtë muaj.

Në takim, u diskutua për politikat rinore dhe për sigurimin e integrimit të qëndrueshëm të të rinjve të tregut të punës, mori pjesë edhe Eurokomisari për vende pune dhe të drejta sociale Nikolas Shmit, i cili paralajmëroi mbështetje të fortë për implementimin e Garancisë së të Rinjve në të gjitha vendet e Ballkanit Perëndimor. 

Ministri i Punës, Familjes, Çështjeve Sociale dhe Mundësive të Barabarta të Republikës së Sllovenisë Janez Cigler Kralj, në fjalimin e tij vlerësoi se të rinjtë janë prekur nga kriza dhe për këtë arsye është jashtëzakonisht e rëndësishme të sigurohet mbështetje edhe për të rinjtë nga vendet anëtare të BE-së, por edhe për të rinjtë në vendet e Ballkanit Perëndimor.

Në takim u theksua se Republika e Maqedonisë së Veriut, si vendi i parë dhe i vetëm në Ballkanin Perëndimor, në vitin 2018 ndërmori hapa “pionierë” në këtë drejtim, duke pilotuar Garancinë e të rinjve bazuar plotësisht në modeli i BE, pas të cilit nga viti 2019 ajo iniciativë u zbatua në të gjithë vendin.

“Në implementimin e deritanishëm, në programin Garancia e të rinjve në Republikën e Maqedonisë së Veriut, morën pjesë rreth 60,000 të rinj. Do të doja të theksoja që nga viti 2019, statistikat në lidhje me tregun e punës, tregojnë përmirësime të konsiderueshme dhe të mëdha në lidhje me të rinjtë. Shkalla e punësimit të të rinjve u rrit me 3,5 për qind krahasuar me vitin 2018. Shkalla e papunësisë së të rinjve ra nga 37 në 30,5 për qind, dhe niveli i NEETs (të rinjtë që nuk janë të punësuar ose të përfshirë në arsim ose trajnim) gjithashtu ra ndjeshëm me 5,3 për qind, nga 29 në 24,5 për qind”, theksoi ministrja Shahpaska.

Ajo tregoi disa analiza dhe hulumtime, të cilat qartë theksojnë se këto trende pozitive në krahasim me të rinjtë në tregun e punës në vendin tonë, vitet e fundit janë rezultat i politikave gjithëpërfshirëse dhe koordinuese të drejtuara nga popullsia rinore, ndërsa para se gjithash në implementimin e Garancisë së të Rinjve.

“Në takim jemi të përkushtuar për një mbështetje dhe bashkëpunim reciprok më intensiv dhe bashkëpunim midis vendeve të Ballkanit Perëndimor dhe Bashkimit Evropian, në përballjen me sfidat lidhur me të rinjtë, punësimin e tyre, aktivizimin, pjesëmarrjen dhe integrimin e qëndrueshëm të tregut të punës. Këto janë sfida për të gjitha vendet e rajonit, por edhe për Bashkimin dhe sfidat të cilat u bënë më të theksuara në periudhën e kaluar kur të gjithë ne ishim të prekur nga kriza shëndetësore dhe ekonomike të shkaktuar nga pandemia e COVID-19. Të rinjtë janë një nga kategoritë të cilët ishin me të vërtetë të prekur nga kriza”, tha ministrja Shahpaska.

Në takim, ministrat e gjashtë vendeve nga Ballkani Perëndimor pranuan Deklaratën për sigurimin e integrimit të qëndrueshëm të të rinjve të tregut të punës, që padyshim e theksuan nevojën të vazhdohet me dizajnimin dhe implementimin e reformave dhe politikave për punësim rinor, përmes qasjes që do të bazohet në partneritet të gjerë midis të gjitha institucioneve dhe palëve të tjera të përfshira.

Me Deklaratën, ministrat pranuan që të gjitha vendet e rajonit të fillojnë me përgatitjen dhe implementimin e Garancisë për të rinjtë, me shembullin dhe modelin e zhvilluar në Bashkimin Evropian dhe këtë iniciativë ta vendosin lartë në agjendat e tyre politike, duke i siguruar resurset e nevojshme njerëzore dhe financiare për atë qëllim.

Ministrja Shahpaska në fund të Takimit të dytë ministror, porositi se është shumë e bindur në suksesin e kësaj kornize për bashkëpunim, e cila vërtetohet me pranimin e Deklaratës. Në këtë mënyrë, vendet nga rajoni do të kenë mundësinë ndërmjet vete, si dhe me Bashkimin Evropian dhe partnerët e tjerë relevant ndërkombëtar, të shkëmbejnë dhe të ndajnë njohuri, përvoja dhe ekspertiza, me qëllim të arrijnë rezultate më të mira dhe ta avancojnë gjendjen e të rinjve në rajon.