13.06.2022
Husein: Ndërmarrjet sociale krijojnë mundësi të barabarta për të gjithë qytetarët dhe kontribuojnë në uljen e varfërisë për më të rrezikuarit
Zëvendësministri i Punës dhe Politikës Sociale Enver, Husein hapi Konferencën për Mbështetjen e Ndërmarrjeve Sociale për Promovimin e Ndërmarrjeve Sociale para Sektorit Privat, duke shprehur përkushtimin e tij të sinqertë për zhvillimin e ekonomisë social dhe mbështetjen e nevojshme për zhvillimin e sipërmarrjes sociale.
Sipas Husein, investimi në zhvillimin e ekosistemit të investimeve sociale nënkupton krijimin e një kulture për investime sociale, pilotimin e instrumenteve financiare novatore, por edhe burime dhe mundësi të tjera për mbështetje financiare për ndërmarrjet sociale.
Zëvendësministri Husein, duke iu referuar Strategjisë Kombëtare për Ndërmarrjet Sociale, tha se ajo përcakton postulatet bazë për zhvillimin e ndërmarrjeve sociale, njohjen e tyre në shoqëri dhe masat për qëndrueshmërinë e tyre ekonomike.
“Strategjia Kombëtare për Ndërmarrjet Sociale është skica e ekosistemit që po ndërtojmë si Ministri e Punës dhe Politikës Sociale në bashkëpunim me të gjithë palët e interesuar, përfshirë komunitetin e donatorëve, shoqërinë civile dhe institucionet. Sigurisht, zbatimi i kësaj strategjie plotësohet nga një mekanizëm kombëtar koordinues për monitorimin e zbatimit. Këtë vjeshtë do të përgatisim raportin e parë për zbatimin e strategjisë dhe Planit të veprimit”, tha zëvendësministri Husein.
Duke folur për ndërmarrjet sociale, zëvendësministri i Punës dhe Politikës Sociale theksoi se: “Ndërmarrjet sociale krijojnë mundësi të barabarta dhe krijojnë një shoqëri të barabartë, kontribuojnë në zhvillimin mjedisor dhe ekonomik, por kontribuojnë edhe në uljen e varfërisë për shtresat më të rrezikuara. Ato ndihmojnë rritjen ekonomike, ndikojnë në kohezionin social dhe zhvillimin e teknologjive të reja”.
Zëvendësministri i Punës dhe Politikës Sociale apeloi që të investojmë, siç tha ai, të gjitha resurset tona në dispozicion dhe të ndërgjegjësojmë për zhvillimin e sipërmarrjes sociale në vendin tonë.
Në fund të fjalimit të tij, Husein shprehu mirënjohjen për mbështetjen e Delegacionit të BE-së dhe Ambasadës së Republikës së Polonisë, të cilat marrin pjesë në krijimin e mundësive për zhvillimin e ndërmarrjeve sociale.
Krahas zëvendësministrit të Punës dhe Politikës Sociale, ambasadori i Republikës së Polonisë në Shkup, NE z. Vojçek Tiçinski.
Mënyrat e mbështetjes së kompanive të ndërmarrjeve sociale, përkatësisht mjetet financiare i prezantuan znj. Barbara Sadovska dhe znj. Tereza Zagrodska, nga projekti "Përkrahja e ndërmarrjeve sociale".
Ndërmarrjet sociale si "Izbor", "Ednakvost", "Mama Organa", "In Vivo" me prezantimet e tyre e afruan konceptin me kompanitë, duke ofruar mënyra për t'u përfshirë, qoftë si investitorë, qoftë duke përfshirë ndërmarrjet sociale me zinxhirin e tyre të furnizimit.
Projekti “Mbështetje për Ndërmarrjet Sociale” financohet nga BE dhe zbatohet nga Eptisa, në konsorcium me Barka dhe Ekoris, ku përfituese është Ministria e Punës dhe Politikës Sociale.