Министерство за труд и социјална политика објавува
Јавен оглас за информатор во рамките на проектот "Ромски Информативни Центри“ за Општина Велес
Министерството за труд и социјална политика има потреба од ангажирање на 1 (еден) информатор, на определено време од 01.02.2018 година до 31.12.2018 година, за потребите на проектот “Ромски Информативни центри" во општина Велес.
Проектот го спроведува Министерството за труд и социјална политика во соработка со Единиците на локална самоуправа и ромски НВО.
Позицијата информатори во Ромските Информативни центри ќе биде финансиски поддржана од страна на Министерството за труд и социјална политика.
Услови:
- да има завршено минимум средно образование
- без работно искуство
- други способности и вештини
Ова е позиција со цело работно време со фиксен временски договор и платени надоместоци за здравствено осигурување и работен стаж, за период на времетраење на проектот во Министерството за труд и социјална политика до 31.12.2018, со можност за продолжување во зависност од продолжувањето на проектот и останати други услови.
Лицето ќе биде ангажиран преку Агенција за привремени вработувања и е предвидена месечна бруто плата во износ од 17.585,00 денари.
Сите заинтересирани кандидати потребно е да ja испратат следната документација:
- CV (работна биографија) на македонски јазик;
- Писмо за мотивација на македонски јазик (своерачно потпишано);
- Копија од диплома за завршено средно образование
Документите за пријавување на јавниот оглас треба да бидат доставени по пошта најдоцна до 22.01.2018 до 16.30 часот на следната адреса:
Министерство за труд и социјална политика, Проект: „Ромски информативни центри “Ул. „Даме Груев“ бр.141000, Скопје
Со назнака: Сектор за техничка помош и координација на Министер, Одделение за имплементација на Стратегијата за Ромите
На горниот десен агол од пликот да се напише бројот на огласот за кој што се аплицира и да стои назнака –„НЕ ОТВОРАЈ„.
Некомплетните и ненавремено доставените документи Комисијата нема да ги земе во предвид за разгледување.
За дополнителни прашања може да се обратите секој работен ден од 08.30 - 16.30 часот на тел. 3223834.
Повеќе информации за мисијата, одговорностите и работните задачи на ангажираните лица како информатори во Ромските информативни центри може да добиете тука.