Државниот секретар Хусејин на Конференција “Стоп за насилството врз децата”
Државниот секретар на Министерство за труд и социјална политика Енвер Хусејин учествуваше на Конференцијата: “Стоп за насилството врз децата” во организација на Владата на Црна Гора и УНИЦЕФ која се одржа на 27.2.2017 година во Подгорица.
Конференцијата беше организирана во соработка со Делегацијата на Европската Унија и го означи почетокот на втората фаза на кампањата “Стоп на насилството” која започна во јули 2016. Првата фаза се фокусираше на заштита на децата од сексуално насилство преку интернет. А втората фаза се фокусира на заштитата на децата од семејно и физичко насилство.
Програмата на конференцијата ги вклучи следниве три елементи:
1. Стратешка визија на системот за заштита на децата од сите форми на насилство и имплементација на Стратегијата за превенција и заштита на децата од насилство 2017-2021
2. Научни докази и бенефициите од намалувањето на насилството врз децата
3. Круцијални елементи на квалитетно и ефикасно родителство и потребата од холистички пристап за ран детски развој.
Конференцијата ја отвори потпретседателот на Владата за политички системи, внатрешна и надворешна политика и министер за правда на Црна гора, г. Зоран Пржин.
На конференцијата учествуваа политичари, професионалци, претставници од меѓународни организации, претставници на граѓански организации, реномирани меѓународни експерти и други.