Програма на неработни денови за 2009 година

Согласно Законот за празници на Република Македонија (“Сл.весник на РМ”, број 21/98 и 18/07) во 2009 година неработни денови се:

За сите граѓани на РМ, неработни денови се следните државни празници и празници на Република Македонија:

• 1 Јануари (четврток), Нова Година.
• 7 Јануари (среда), прв ден на Божик.
• 20 Април (понеделник), Велигден, вториот ден на Велигден.
• 1 Мај (петок), Ден на трудот.
• 24 Мај  (недела), „Св. Кирил и Методиј“ Ден на сесловенските просветители, односно 25 Мај (понеделник) е неработен ден. 
• 2 Август (недела), Ден на Републиката, односно 3 Август (понеделник) е неработен ден 
• 8 Септември (вторник), Ден на независноста.
• 20 Септември (недела) Рамазан Бајрам,  првиот ден на Рамазан Бајрам, односно 21 Септември (понеделник) е неработен ден.
• 11 Октомври (недела), Ден на народното востание, односно 12 Октомври (понеделник) е неработен ден.
• 23 Октомври (петок), Ден на Македонската Револуционерна Борба.
• 8 Декември (вторник), “Св. Климент Охридски”.
  

***Доколку државните празници и празниците на РМ се паѓаат во недела, наредниот ден се смета за неработен.

За граѓаните од православна вероисповед

• 6 Јануари (вторник), Бадник, ден пред Божик 
• 19 Јануари (понеделник), Богојавление (Водици)
• 17 Април (петок), Велики Петок, петок пред Велигден
• 5 Јуни (петок), Духовден, петок пред Духовден
• 28 Август (петок), Успение на Пресвета Богородица (Голема Богородица)

За граѓаните од католичка вероисповед

• 13 Aприл (понеделник), Велигден, вториот ден на Велигден
• 1 Ноември (недела), Празникот на сите светци
• 25 Декември (петок), првиот ден на Божик 

За граѓаните од муслиманска  вероисповед

• 27 Ноември (петок), Курбан Бајрам, првиот ден на Курбан Бајрам

За граѓаните припадници на албанската заедница во РМ

• 22 Ноември (недела), Ден на Албанската азбука

За граѓаните припадници на српската заедница во РМ

• 27 Јануари (вторник), Свети Сава

За граѓаните припадници на ромската заедница во РМ

• 8 Април (среда), Меѓународен ден на Ромите 

За граѓаните припадници на влашката заедница во РМ

• 23 Мај (сабота), Национален ден на Власите 

За граѓаните припадници на еврејската заедница во РМ

• 28 Септември (понеделник), Јом Кипур, првиот ден на Јом Кипур 

За граѓаните припадници на бошњачката заедница во РМ

• 28 Септември (понеделник), Меѓународен ден на Бошњаците 

 За граѓаните припадници на турската заедница во РМ

• 21 Декември (понеделник), Ден на настава на турски јазик