Се отвори ново одделение за социјални работи во Општина Липково

Министерот за труд и социјална политика, Џељаљ Бајрами, во Општина Липково, свечено го пушти во употреба новото одделение за социјални работи.

Граѓаните од оваа општина сега  ќе можат да ги обезбедуваат своите неопходни документи  за остварување на правото за социјална помош во нивното село.

„Ми претставува голема чест и задоволство да присуствувам на свеченото пуштање во употреба на ова одделение. Граѓаните од  општината Липково од сега нема да мораат за  најобичен документ да се симнуваат во Куманово. За жал оваа е општина која има најголеми корисници на социјална помош, водејќи се од тоа ние решивме да отвориме токму овде вакво одделение“, изјави министерот за труд и социјална политика Џељаљ Бајрами.

Градоначалникот на општина Липково, Садула Дураку,  истакна дека е многу задоволен од интересот и соработката помеѓу лоакалната и централната власт, односно општината Липково и Министерството за труд и социјална политика и истовремено изрази надеж за продолжување на таквата соработка.

Засега во новото одделение за социјални работи не се предвидени нови вработувања, туку само  ќе се изврши  преместување на дел од  вработените од центарот  од Куманово во Липково.